[香港] 大坑墩追風箏
大坑墩 –> 清水灣樹木研習徑
風景：***
難度：**
時間：連休息約1小時
路程：約2km
交通：鑽石山巴士(91)
5月一個週日的下午，時間唔多，長途行唔到，決定開車到清水灣半島的郊野公園帶老友記呼吸一下新鮮的空氣。
清水灣郊野公園的設備相當完善，燒烤場、士多、涼亭，仲有個教育中心講解萬宜水庫近東壩位置六角柱石的由來、形成原因等 (一億四千萬年前!) 。唔講唔知，原來全世界只有兩個地方有如此規模的六角柱石，其中一個就係北愛爾蘭的巨人堤道，而另一個就係香港西貢的糧船灣，駕勢堂！
清水灣郊野公園有兩個停車場，可惜都係唔夠用，連迴旋處都俾人泊晒，都係個句，唔阻到人出車，泊路邊都ok既。
由清水灣樹木研習徑開始行，遠眺青洲、果洲群島、清水灣鄉村俱樂部，望遠D仲見到港島東部的小西灣，無敵海景盡收眼簾！
研習徑全長只有1.2公里，輕輕鬆鬆睇下樹，望下海就完，絕對適合帶老攜幼。
最後到達放風箏的平原，有些人帶備野餐布在樹下休息；有些人與寵物玩得不亦樂乎；有些追風少年出盡全力希望讓風箏高飛，搏伊人一笑。風和日麗，藍天加風箏，與家人、寵物於此地hea下，享受陽光，在外國是平常事，但在香港就是奢侈。
大坑墩亦是香港其中一個有名的觀星地方，有機會可以帶埋腳架去影星星。
作者：山P遊
熱愛旅行、行山、snapshot、鍾意吹水但會抹咀。畢業後為五斗米折腰其間從未放棄到外國流浪的夢想，工作兩年後在到澳洲Working Holiday一年, 走訪多個主要城市，最後去埋紐西蘭南北島，倦鳥知返。轉眼回港已近兩年，生活回復淡淡似是流水，突然驚覺時光飛逝，實有紀錄一下遊山玩水的經過的需要，好讓他日能好好懷緬，順道與各方好友分享。
風景：***
難度：**
時間：連休息約1小時
路程：約2km
交通：鑽石山巴士(91)
5月一個週日的下午，時間唔多，長途行唔到，決定開車到清水灣半島的郊野公園帶老友記呼吸一下新鮮的空氣。
清水灣郊野公園的設備相當完善，燒烤場、士多、涼亭，仲有個教育中心講解萬宜水庫近東壩位置六角柱石的由來、形成原因等 (一億四千萬年前!) 。唔講唔知，原來全世界只有兩個地方有如此規模的六角柱石，其中一個就係北愛爾蘭的巨人堤道，而另一個就係香港西貢的糧船灣，駕勢堂！
 |
| 清水灣郊野公園地圖 |
清水灣郊野公園有兩個停車場，可惜都係唔夠用，連迴旋處都俾人泊晒，都係個句，唔阻到人出車，泊路邊都ok既。
由清水灣樹木研習徑開始行，遠眺青洲、果洲群島、清水灣鄉村俱樂部，望遠D仲見到港島東部的小西灣，無敵海景盡收眼簾！
研習徑全長只有1.2公里，輕輕鬆鬆睇下樹，望下海就完，絕對適合帶老攜幼。
 |
| 遠眺青洲、果洲群島 |
 |
| 正式進入1.2km的研習徑, 帶老攜幼都ok! |
 |
| 城門水塘出晒名的白千層,呢道都有 |
 |
| 直達放風箏的捷徑 |
 |
| 沿途都好多靚蝴蝶 |
 |
| 無敵海景! |
 |
| 影完一輪相，繼續剩下的研習徑 |
大坑墩亦是香港其中一個有名的觀星地方，有機會可以帶埋腳架去影星星。
 |
| 追風少年出盡全力希望成功讓風箏高飛，搏伊人一笑 |
 |
| 細細個玩的木頭公仔，原來宜家仲有！ |
作者：山P遊
熱愛旅行、行山、snapshot、鍾意吹水但會抹咀。畢業後為五斗米折腰其間從未放棄到外國流浪的夢想，工作兩年後在到澳洲Working Holiday一年, 走訪多個主要城市，最後去埋紐西蘭南北島，倦鳥知返。轉眼回港已近兩年，生活回復淡淡似是流水，突然驚覺時光飛逝，實有紀錄一下遊山玩水的經過的需要，好讓他日能好好懷緬，順道與各方好友分享。
留言
張貼留言