山P遊

春風亭 -> 八仙嶺 -> 黃嶺 -> 屏風山 -> 鶴藪圍   風景：**** 難度：**** 時間：連休息約6 小時 路程：約11km 交通：大埔墟鐵路站小巴(20C) / 巴士(75K) 又是一個天陰陰的週末，行山小隊再次蠢蠢欲動，原本想行西貢，但有團員臨時放飛機，我地只好將計就計改行想行好耐的大埔八仙嶺，再到粉嶺搵飛機友食飯。 1996年的八仙嶺山火、老師人性光輝一面、仲有就係近年講返起某君疑似掉煙頭引致火災的話題。記得小學二年班，有日返學早會，老師含淚(真係含淚，絕無誇張成分) 帶領全體師生默哀幾分鐘，印象非常深刻。行山遠足為己為人，千其唔好吸煙。 話說今次我地先在八仙嶺漁護署的遊客中心泊低車開始，個度有一個冇劃位的停車場，大約可停5架車，唔建議揸車，因為行完唔會返起點，如果唔係有朋友車我返去拎車，我都會選擇坐車入。 坐車可以於大埔墟鐵路站選擇20C小巴或75K巴士，到大尾篤下車，沿汀角路走到遊客中心開始。 沿著八仙嶺自然教育徑走，途經紀念老師八仙嶺山捨身救人的春風亭。 沿著八仙嶺自然教育徑走 紀念老師八仙嶺山捨身救人的春風亭 一開始一段路都平坦易行，路旁有翠綠的青苔，空氣清新，令人心曠神怡。當日天陰大霧，遇到有如騰雲駕霧的仙境感覺。 一開始一段路都平坦易行，路旁有翠綠的青苔，空氣分外清新，令人心曠神怡。 終於到達登上第一個峰的梯級，開始行梯級前遇見一對中年夫婦，恩愛非常，熱情替我們拍照留念。 登第一個峰的梯級 曾經聽過朋友講，行山遠足聽到的早晨、Good Day係特別真摯，由心而發，有別於一般在辦公室聽到的客套話。 幾經辛苦終於登上第一峰 - 仙姑峰。佩服前人改名的智慧，八個山峰，賦予一個 “八仙嶺”的名字、充滿意境、仙氣，成座山當堂upgrade左！ 於湘子峰飽覽吐露港全景，可惜天公不造美。 仙姑峰、湘子峰、采和峰、曹舅峰、拐李峰、果老峰、鍾離峰、純陽峰，八上八落，絕對是體能的挑戰！ 騰雲駕霧的仙境感覺！ 八上八落，絕對是體能的挑戰！ 總覺得呢個路牌講的距離唔係好岩 以為行完八仙就可以輕輕鬆鬆鄧梓峰？ 原來後方還有新界東北部最高的黃嶺(639米) 以及氣勢磅礴的屏風山等你挑戰！因此...

慈雲山慈雲閣 -> 觀音寺 -> 獅子亭 -> 獅子山尾 -> 獅子山頭 -> 天馬苑 風景：*** 難度：*** 時間：連休息約2.5 小時 路程：約7km 交通：往慈雲山方向的小巴(37M) / 巴士(2F、 3C 、15A) 成長於九龍東，但從來冇上過獅子山。 澳洲working holiday其中一樣最開心的事，就係我愛上了行山 (之後會補返澳洲的遠足分享，講起又諗返起Tasmania 的藍天白雲 :-D )。 返來香港轉眼就兩年，一得閒都會同朋友一起到訪港九新界唔同的行山徑。唔行唔知，原來香港的行山遠足徑真係世界級，市區近近地行兩步就有得行；想要靚景坐車入西貢行又得，山山水水絕不失禮，難怪連《Lonely Planet》都對香港郊野風景推崇備至。 之前在澳洲曾經遇過一位泰國朋友，佢同我講佢話計劃去香港行山，我當時打個突，宜家諗返先知原來自己身在福中不知福。 今次已經係第二次登獅子山頂，上次由獅頭上，獅尾落，今次就相反。 由慈雲山慈雲閣開始上梯級，去到觀音寺回頭一看 師主回頭是岸啊! 行完長樓梯已經一身汗，上到獅子亭有補級，仲有最重要的洗手間，洗個靚面，準備上獅子山！ 由麥理浩徑第五段開始行，有冇見過麥理浩？我見過，我真係見過呀！多得佢我地先有咁多行山徑，真係要多謝佢。 行多40分鐘左右已到達獅子山山頭，當天大霧，風景麻麻，唔係好睇得清；獅頭仲要好多飛蚊，短留片刻，就由獅尾落山。 獅子山山頂，唔知幾時開始已經成為一個熱點 山頂遠眺九龍 沙田一帶景色 今次行獅子山，沿途都有好多人，老老嫩嫩、仲有唔少旅客，去旅行加插行山環節的確可以為旅程增添趣味。 細個從未諗過郊野公園都會有消失變為高樓大廈的一日，襯仲有得行，真係要行多D，身體力行話俾政府聽唔好亂搞我地愛惜的郊野公園。 作者：山P遊 熱愛旅行、行山、snapshot、鍾意吹水但會抹咀。畢業後為五斗米折腰其間從未放棄到外國流浪的夢想，工作兩年後在到澳洲Working Holiday一年, 走訪多個主要城市，最後去埋紐西蘭南北島，倦鳥知返。轉眼回港已近兩年，生活回復淡淡似是流水，突然驚覺時光飛逝，實有紀錄一下遊山玩水的經過的需要，好讓他日能好好懷緬...

風景：*** * 難度：** 時間：連休息約3小時 路程：約9km 交通：筲箕灣巴士總站 巴士( 9號) 機緣巧合睇到 歐家麟的潮池: 鶴咀 十景‧一次過滿足N個願望，發現原來台灣有國境之南，香港島最南端都有一個從未聽過政府有宣傳的海岸公園，就算天陰都心郁郁忍唔住去睇下被稱為神秘天涯海角鶴咀的盧山真面目。 去鶴咀的方法相當容易，於筲箕灣巴士總站轉乘9號巴士，鶴咀道下車再行入去；如果揸車，我見都有遊人泊在鶴咀道入口，留返位俾人走就可以。當天都與唔少途人一起慢慢步入呢個神秘的地方。 沿鶴咀道走個多小時，途經鶴咀下村就到達了神秘的海岸公園 由於裝備不足，十景之一的機槍廢堡 ，留返下次再去 原本想去爬入去睇不文石，但實在搵唔到入口…唔通入口已經俾石封左？ 行左1個多小時，終於到達海岸保護區 鶴咀的英文名Cape D’ Aguilar 同中環老蘭出面的德己立街同一由來，都係源自殖民地時代初期的總司令及副總督D’ Aguilar。 翻查紀錄自1996年劃定鶴咀海岸保護區起，政府都唔鼓勵人來鶴咀，怕破壞環境云云，所以走進半島的路都係路人行出來，廁所亦都唔會有，人有三急只可向草地講聲唔該借借！ 政府都唔鼓勵人來鶴咀，走進半島的路都係路人行出來 垃圾灣，如果藍天白雲，呢度應該會好靚 遠眺1875年落成啟用的鶴咀燈塔，天涯海角景色真係可以媲美澳洲、日本的燈塔 雙四門軍事廢墟，二戰時期英軍遺蹟 搖搖欲墜，見到都覺得可惜... 雙四門軍事廢墟伴隨一個蜂去樓空的蜂巢 出得紀念牌就想俾人睇...但政府又唔想人來呢度，好矛盾 香港第一座燈塔建築，2006年獲升格為法定古蹟。燈塔由石塊砌成，高9.7米，唔算話好高大，古典味濃，如果來呢道影結婚相應該都唔錯。 原本以為係細細個去海洋公園睇過的海威小姐，後尾睇返資料先知唔係佢，只係另一條擱淺的大鯨魚 長年經海水侵蝕的蟹洞 一登蟹洞吹吹風！同日都有唔少遊人，男女老幼都有。 又一個海蝕洞，外國通常叫Blow hole，香港就叫雷音洞。 面向南海的鶴咀海岸公園牌面，感覺有D似鳥居。 輕輕鬆鬆遊畢整個鶴咀約2 – 3小時，鶴咀絕對可以係一個適合一家大細親親大自然加學習香港歷史的地...